عند الكرامه ابيعك وانت خابـــرني؟؟؟؟؟؟؟؟؟؟؟

[ღ¤ أسير الشـوٍق ¤ღ]

اتعبني الحلم لين الواقع انكرني
كني مسكت الفرج بيدي ...وهديته


مافيه داعي على فرقاك تجبرني
حتى الجفا منك ولعني وحبيته

الجرح عدى زمانه..لاتذكرني
هذاك وقت تعذرته وجافيتــه


لو شفت دمع القصايد كان تعذرني
تصور ان الشعر يضحك وبكيته


ماغيروني ياكود الله يغيــرنــي
كم واحد عنك يبعدني ورديته


وفيت وادري وفايه ما يصغرني
صوبت يم الهــدف لكني اخطيته


من طار سرب الغلا..والشوق طيرني
كن ماعلى الارض واحد ماتعديته


خذني على صدرك الدافي..وسيرني
بعض الولــع ياخذ الرجال من بيته


بنشغل في عيونك..لاتدورنـــي
ودي بشي اشوفه..مابعد جيته


خليت قلبي معك والله يصبــرنــي
مبطي وانا اقول قلبي وين خليته


نسيت اعلمك طيفك جاء يسهرني
بس انت ماشفتني شلون ضميته


اشتقتلك ..مابغيتك عاد تشكرني
تغيب والشوق ما عمري تباطيته


العام يوم الوعد تسبق وتنطرني
مستغرب شلون هالموعد تناسيته


وين انت رايح ولا كنك معبرني
ماكني اللي على العالم تمنيته


لاصار هذي علومك..راح تخسرني
ماعمر احد راح من كيفه وناديته


عند الكرامه ابيعك وانت خابـــرني
الله وكيلك ترى كل شي مريته


كانه هجـر بالسلامه.روح..واهجرني
اخــوي لاصد عنـــي ماترجيته


من الايميل


وسلامتكم

تقبلوا تحياتي

[ابو عبدالله]

خطيرة جدا هذه الكلمات.....

وأنت رسمت الكثير من المعاني في لوحة تأخذ القاريء إلى المستحيل فيصبح واقع....

لك مني أخي العزيزأعمق تحية على هذه الكلمات العميقة....

[ღ¤ أسير الشـوٍق ¤ღ]

والأروع تواجدك

ياريت ثم ياريت ما تحرمني مرورك الكريم

[مى مهند]

عند الكرامه ابيعك وانت خابـــرني
الله وكيلك ترى كل شي مريته


كانه هجـر بالسلامه.روح..واهجرني
اخــوي لاصد عنـــي ماترجيته


ما اروع كلماتك واجملها دكرتنى بالخيول العربية الا صيلة الى ما يقدر يروضها غير الفارس


ابن الفارس الخيول الى رافعة راسها فى السما تجمع بين القوة والكبرياء

والكرامة والعزة والشموخ .....صح لسانك خوى تقبل مرورى

[ღ¤ أسير الشـوٍق ¤ღ]

والأروع تواجدك مى مهند

ياريت ثم ياريت ما تحرمني من مرورك الكريم

[ســـــــــ؟ـعد]

عند الكرامه ابيعك وانت خابـــرني
الله وكيلك ترى كل شي مريته


كانه هجـر بالسلامه.روح..واهجرني
اخــوي لاصد عنـــي ماترجيته


صح لسان شاعرها وسلمت يمين ناقلها


جاسم يعطيك العافيه


تحياتي

[ღ¤ أسير الشـوٍق ¤ღ]

محمد الله لا يحرمنا من مرورك الرائع
وتسلم على التعليق الراقى

[صطيف]

وفيت وادري وفايه ما يصغرني
صوبت يم الهــدف لكني اخطيته


مبدع كعادتك في الانتقاء

[ღ¤ أسير الشـوٍق ¤ღ]

والأروع تواجدك

ياريت ثم ياريت ما تحرمني مرورك الكريم