مشاري الهاجري
07-01-2007, 07:56 PM
معقول .. اغيّـر عقـول الخلـق .. واقنعهـا ؟
ماهـوب معقـول .. ياللـي قـال .. معقـولـه
يـاخـي .. انــا يالله بنـفـسـي اطـوّعـهـا
مالـي علـى الخلـق لا حكـم ٍ .. ولا طـولـه
يالأجـودي لــو بنفـسـك شــيّ موجعـهـا
هالوقـت غيّـر كثيـر نـفـوس .. بسهـولـه
نفـس ٍ ذليلـه .. تشـوف المـال .. يرفعـهـا
ونفـس ٍ عزيـزه .. تركهـا الفقـر .. مذلولـه
ورجـل ٍ يجيهـا اللحّـاف .. بطقّـة اصبعـهـا
يالـلـي يـمـدّد بـقـدّ لحـافـه رجـولــه
اثبـت لـك إنّـا مـع انفسنـا .. نخادعـهـا ؟
وانّـا نعيـش الهزيمـه .. كنّهـا .. بطـولـه؟
نقـول دنـيـاك لــو ماطاعـتـك .. طعـهـا
وهـي عمرهـا ماتطيـع الـحـيّ .. بميـولـه
وبإسـم الرجولـه عقـب مالـوقـت شيّعـهـا
قمنـا نكابـر بـوقـتٍ .. مـابـه .. رجـولـه
واحـلامـنـا كـذبــةٍ عـشـنـا نرقّـعـهـا
ونضحـك علـى بعضنـا بأحـلام .. مقتـولـه
بإيـديـن مشلـولـه .. بنـبـنـي مرابـعـهـا
بالله .. مـن قـد بنـى بإيـديـن مشلـولـه؟!!
والنـيّـه الطيّـبـه مــن طـيـب منبـعـهـا
وكلّـن علـى قـدر طيبـه .. يسـرج خيـولـه
مـثـل القصـيـده يـدلّـك طـيـب مطلعـهـا
عنهـا .. وتبـقـى بـكـل لـسـان مقيـولـه
مانيـب مخـبـول يعـشـق بـنـت ضيّعـهـا
ولا سالـفـة عـاقــلٍ هـايــم بمخـبـولـه
السالـفـه كــان ودّك تـعـرف اسمـعـهـا
ياللـي تـلـوم (الدحيـمـي) اسـمـع لقـولـه
زرعـت ورده .. وليـتـي قـبـل مازرعـهـا
في روض مشتل .. نشدت .. الروض منهو له؟!!
ويوم ازهرت شفت راعـي الـروض .. يقلعهـا
قـدّام عيـنـي وانــا بإيـديـن .. مغلـولـه
وقّـفـت .. مـذهـول وعيـونـي مدامعـهـا
تشهـق بدمـع ٍ وقـف .. بعـيـون مذهـولـه
صـوّت .. ياعـمّ .. تكفـا .. بـس اطالعـهـا
وأشحـذ وجيـه العـرب واقـول : قولـوا لـه
عيـن ٍ تجـوع السهـر مـن شــان تشبعـهـا
ياتنعمـي .. يــا تخـلّـي النـفـس معلـولـه
قالـوا تبيـهـا نصيـحـه .. بنـدقـك بعـهـا
ماهيـب صـوب الجفـول ولاهــي بحـولـه
وامسيت .. وانـا اطفـي الشمعـه .. وأولعهـا
في حـروة الفجـر .. ميـر الليـل .. ياطولـه
إن لمـت عيـن ٍ .. بكتهـا الثانيـه .. معـهـا
وإن جيت ابانسـى .. ولاهـو شـيّ .. ياهولـه
من عقبهـا النفـس طـاري الـورد .. يفجعهـا
وألعن ابـو الـورد .. كلّـه .. واعشـق ذبولـه
وآخـر سـؤال ٍ .. حـرم هالعيـن مضجعـهـا
وأقفـت .. تشـوف الحقيقـه شـبـه مجـولـه
ياخـي ..
ياخـي .. اكفّـر ذنوبـي .. يمـكـن ابلعـهـا
لكـن اكفّـر ذنـوب الخـلـق .. معقـولـه؟!!
ماهـوب معقـول .. ياللـي قـال .. معقـولـه
يـاخـي .. انــا يالله بنـفـسـي اطـوّعـهـا
مالـي علـى الخلـق لا حكـم ٍ .. ولا طـولـه
يالأجـودي لــو بنفـسـك شــيّ موجعـهـا
هالوقـت غيّـر كثيـر نـفـوس .. بسهـولـه
نفـس ٍ ذليلـه .. تشـوف المـال .. يرفعـهـا
ونفـس ٍ عزيـزه .. تركهـا الفقـر .. مذلولـه
ورجـل ٍ يجيهـا اللحّـاف .. بطقّـة اصبعـهـا
يالـلـي يـمـدّد بـقـدّ لحـافـه رجـولــه
اثبـت لـك إنّـا مـع انفسنـا .. نخادعـهـا ؟
وانّـا نعيـش الهزيمـه .. كنّهـا .. بطـولـه؟
نقـول دنـيـاك لــو ماطاعـتـك .. طعـهـا
وهـي عمرهـا ماتطيـع الـحـيّ .. بميـولـه
وبإسـم الرجولـه عقـب مالـوقـت شيّعـهـا
قمنـا نكابـر بـوقـتٍ .. مـابـه .. رجـولـه
واحـلامـنـا كـذبــةٍ عـشـنـا نرقّـعـهـا
ونضحـك علـى بعضنـا بأحـلام .. مقتـولـه
بإيـديـن مشلـولـه .. بنـبـنـي مرابـعـهـا
بالله .. مـن قـد بنـى بإيـديـن مشلـولـه؟!!
والنـيّـه الطيّـبـه مــن طـيـب منبـعـهـا
وكلّـن علـى قـدر طيبـه .. يسـرج خيـولـه
مـثـل القصـيـده يـدلّـك طـيـب مطلعـهـا
عنهـا .. وتبـقـى بـكـل لـسـان مقيـولـه
مانيـب مخـبـول يعـشـق بـنـت ضيّعـهـا
ولا سالـفـة عـاقــلٍ هـايــم بمخـبـولـه
السالـفـه كــان ودّك تـعـرف اسمـعـهـا
ياللـي تـلـوم (الدحيـمـي) اسـمـع لقـولـه
زرعـت ورده .. وليـتـي قـبـل مازرعـهـا
في روض مشتل .. نشدت .. الروض منهو له؟!!
ويوم ازهرت شفت راعـي الـروض .. يقلعهـا
قـدّام عيـنـي وانــا بإيـديـن .. مغلـولـه
وقّـفـت .. مـذهـول وعيـونـي مدامعـهـا
تشهـق بدمـع ٍ وقـف .. بعـيـون مذهـولـه
صـوّت .. ياعـمّ .. تكفـا .. بـس اطالعـهـا
وأشحـذ وجيـه العـرب واقـول : قولـوا لـه
عيـن ٍ تجـوع السهـر مـن شــان تشبعـهـا
ياتنعمـي .. يــا تخـلّـي النـفـس معلـولـه
قالـوا تبيـهـا نصيـحـه .. بنـدقـك بعـهـا
ماهيـب صـوب الجفـول ولاهــي بحـولـه
وامسيت .. وانـا اطفـي الشمعـه .. وأولعهـا
في حـروة الفجـر .. ميـر الليـل .. ياطولـه
إن لمـت عيـن ٍ .. بكتهـا الثانيـه .. معـهـا
وإن جيت ابانسـى .. ولاهـو شـيّ .. ياهولـه
من عقبهـا النفـس طـاري الـورد .. يفجعهـا
وألعن ابـو الـورد .. كلّـه .. واعشـق ذبولـه
وآخـر سـؤال ٍ .. حـرم هالعيـن مضجعـهـا
وأقفـت .. تشـوف الحقيقـه شـبـه مجـولـه
ياخـي ..
ياخـي .. اكفّـر ذنوبـي .. يمـكـن ابلعـهـا
لكـن اكفّـر ذنـوب الخـلـق .. معقـولـه؟!!